Jeveuxjeveuxjeveux

Zer erran nahi du handitzeak, haur gastatua zarelarik, naturak beti hainbeste eman duen baina bat-batean dena berriz har dezakeen mundu batean? Hiru emazte txotxongilo jokalarik galdera horri erantzuten diote, materialez eta koadro sinplez osaturiko antzerki batean. Horretarako, gaurkotasun handia duten Grimm anaien bi ipuinez inspiratu dira: Arrantzalearen eta bere emaztearen ipuina eta Loti Ederra. Batean, arrantzale bikote batek bere amets eta desira guziak betetzeko ahala du, eta itsasoko ekaitzak baizik ez dizkie haien mugak oroitaraziko. Bestean, munduko printzesarik maiteena eta gastatuena arrisku larri batetik babesteko bere burasoek gaztelu batean giltzatu dute. Xalotasun freskagarri batekin, material xume eta arrunten edertasuna eta poesia agerraraziz, Laurie Cannac eta Erika Faria de Oliveirak, Ilka Schönbeinek taularaturik, ipuinetako ispilu magiko eta maltzurra begi aitzinean ezartzen digute, gure egungo gizatasuna umorez eta argitasunez begiratzeko.