BallePerdue kolektiboa
Antzerkia
Instalazioa - Arte bisualak
Musika
Balle Perdue 2015ean sortutako diziplina anitzeko artisten kolektibo bat da. Bideoklipen, hiriko biziaren, artearen historiaren eta spoken wordaren maitaleek osatzen dute taldea. Antzerkira hurbiltzen da, performantziatik oso gertu, partekatzeko eremuak sortzen ditu, paisaian bizi da eta ikuspegi kritikoa plazaratu eta inprimatzen du. Baina, beti, filosofia klasikoa eta kirol jantziak nahastekatuz.
Denboraldia
- Egonaldia
- Ikuskizuna
Luhuson egonaldia eginen du kolektiboak, urriaren 14tik 25era.
Sorkuntza: Instalazioaren, kontzertuaren eta performantziaren artean, ikusleari proposatuko zaio presentzia bitxiz eta gaueko agerpenez bete mundu batean murgiltzea –prozesio bat, auto ovni bat, mamuak, Stabat Mater baten gaineko predikua, euri magikoa, zulo beltz bat…–. Gure espazio mentalaren odisea poetiko gisako bat, funtsean.
Sineskeriei buruzko eta gaur egungo ikonoekin dugun harremanari buruzko galderak; izan ere, egungo irudien metaketa erraldoiaren ondorioz, ez dugu gehiago deus ikusten, argi lainoxka bat baizik...
Konpainiak hamar bat herritar gomitatuko ditu ikerketa honetan parte hartzera, kantuaren, dantzaren, koru-lanaren eta koadro bizien apailatzearen inguruko tailer batzuen bidez.
Tailerrak data hauetan eginen dira:
- Urriak 16 larunbata, 16:00etatik 21:00etara
- Urriak 17 igandea, 16:00etatik 19:00etara
- Urriak 22 ostirala, 18:30etik 21:30era
- Urriak 23 larunbata, 16:00etatik 19:00etara
- Urriaren 23an, larunbatean, 19:30ean, parte-hartzaileekin, aurrerapen emanaldi publiko bat izanen da.
Hautagaitza-deialdi bat zabalduko da irailean, konpainiarekin obraren sorkuntzan parte hartu nahi duten pertsonak aurkitzeko!
Argibide gehiago nahi baduzu, jarri harremanetan Mariannerekin:
mar.etcheverrycommunaute-paysbasque.fr
Ikuskizuna :
Webgunea: https://balleperdue.fr/