ABIAN!

ABIAN!bi eguneko hitzordua da, kultur denboraldiaren hastapena ospatzeko.

Urte guziz, gertakaria lurraldeko herri batean plantatzen da, eta hango herritarren parte hartzearekin edizio berria antolatzen da. 2018an Uztaritzen izan zen, 2019an Bardozen eta Bidaxunen, 2020an Saran. ABIAN! iraganeko eta etorkizuneko kultur denboraldien lagin moduko bat da. ABIAN!-en honako hauek aurkezten dira: lurraldean egonaldiaegin duten artisten ikuskizunak, bitartekaritza proiektuen emaitzak eta hemengo edo kanpoko konpainien bihozkadak.

ABIAN! zenbait zenbaki eta gako-hitzetan:

• 3.000 pertsona Uztaritzen 2018an
• 2.000 pertsona Bardozen 2019an
• 80 eta 100 artista bildurik herri batean
• 20 eta 25 ikuskizunen artean, adin guzietako jendeentzat, haurrik gazteenak barne
• 25 elkargoko langile eta hautetsi, hitzorduaren antolaketan lan egiteko
• Herrietako langile eta hautetsiak, gertakaria herrian hartu, lagundu, aholkatu eta antolatzeko
• Tokiko zenbait elkarte, ostatua atxikitzeko, jatekoa proposatzeko, proiektuetan parte hartzeko eta hitzordua elkarrekin eraikitzeko
• Antzerkia, zirkua, dantza, musika, arte bisualak, ipuinak, txotxongiloak
• Frantsesez, euskaraz, gaskoinez

NOIZ?

• Iraileko azken asteburuan

NON?

• Urte guziz lurraldeko herri berri batean. Irakurri argibideak gure webgunean. Hitzordua zure herrian errezibitu nahi baduzu, idatzi helbide honetara: abiancommunaute-paysbasque.fr

ZENBAT?

• Dena urririk da; baina, batzuetan azkarki aholkatzen da aitzinetik erreserbatzea, zenbait ikuskizunen toki kopuruak mugatuak baitira.

EURIA DATOR ! - PROGRAMAZIO EGOKITUA IRAKURRI

Saran astebururako eguraldi txarra iragarri denez, ABIAN!en programazioa egokitu behar izan dugu hitzordua manten dezagun. Kanpoan iragan behar ziren emanaldi batzuk bertan behera egoten dira, batzuk gibelatuak edo aterpera mugiaraziko ditugu.