Egonaldiak eta lurralde proiektuak

Egonaldiak eta lurralde-proiektuak

Euskal Elkargoak proiektu artistikoak agertzen laguntzen du. Horretarako, denboraldi guziez, konpainiak errezibitzen ditu hemen egonaldia egin dezaten.

Gauza anitz proposatzen dizkie: leku bat, diru mailako laguntza, laguntza teknikoa edo lurraldearekin eta bertako herritarrekin harremanetan jartzeko laguntza. Hola, artistek gogoetatzeko eta esperimentatzeko beharrezko denbora eta baldintzak aurkitzen dituzte.

Egonaldi bakoitza artistekin batera pentsatua da eta haien beharretara egokitzen da.

  • Sorkuntza egonaldiak hausnartzeko edo lan egiteko denborak dira. Orduan, barnean edo kanpoan, artistak haien artean elkartzen dira, beren proiektuan murgiltzeko.
  • Lurralde-proiektuak beste egonaldi mota batzuk dira. Orduan, konpainiek lurraldearekin harreman zuzena garatzen dute, egonaldiak lekuan berean eginez (ikastetxeetan, zahar etxeetan edo beste edozein tokitan), edo proiektua elikatuko duten elkarrizketak edo topaketak eginez.

Sorkuntzari laguntzea EHEren kultur proiektuaren funtsezko zeregina da. Guti ikusten den kulturaren parte horri leku garrantzitsu bat emanez, Euskal Elkargoak hautua egiten du konpainiei eta idazketa garaikideei laguntzea eta haiek lurraldean entzunaraztea.

Gerta daiteke sorkuntza fasean diren proiektuak aurrerapen baten karietara aurkeztea. Aurrerapen horiek azken mementoan antola daitezke. Beraz, adi egon, eta horien berri izan agendaren edo gure Facebook orriaren bidez!

Egonaldiak, lurralde-proiektuak, aurrerapenak… Zer dira horiek denak? Argibide gehiago, ikuskizun biziaren hiztegitxoan!

Egonaldi bat egitea

 

Karrikako arteen, haur eta gazteendako ikuskizunen eta euskarazko antzerkiaren arloetan, oraindanik, denek eska ditzakete laguntza baliabideak. Gu, gainera, proiektu berriak ezagutzeko prest gara, beti!

Konpainia edo artista –hasiberria zein esperientziaduna– bazara, eta teknika edo diru baliabideak, laneko guneak edo aholkuak behar badituzu, igor dokumentu hauek posta elektronikoz (mar.etcheverrycommunaute-paysbasque.fr ) "EGONALDIRAKO HAUTAGAITZA" GAIArekin:

  • Sorkuntzaren aurkezpen dosier bat:
    • konpainiaren biografia
    • proiektu artistikoa aurkezten duen xede-oharra
    • produkzio-egutegia
    • engaiatutako partaideak (koprodukzioak, aurre erosketak, etab.) eta bidean diren eskariak
    • egin nahi egonaldiaren ETA sorkuntzaren behin-behineko aurrekontua
  • Hautagaitza formularioa, behar bezala beterik eta osaturik. Hautagaitza formularioa beherago deskarga daiteke.
  • Interneteko esteka baliagarri bat edo gehiago (bideoak, datak…), zure konpainiaren lanaren ezagutzeko.

 

Hautaketa-batzordea urtean bi aldiz biltzen da. Hautagaitza-dosierrak igortzeko epeak errespeta, otoi:

  • Martxoaren 1a baino lehen, udaberriko saiorako. Udaberriko saio horretan, ondoko urteko urtarriletik ekainera arteko egonaldi proiektuak hautatzen dira

Irailaren 1a baino lehen, udazkeneko saiorako. Udazkeneko saio horretan, ondoko urteko irailetik abendura arteko egonaldi proiektuak hautatzen dira

Formularioa deskargatu